Sino si Tadonggeniuskuno

Minsan pag tinatanong ako ng “Tell me something interesting about yourself” iniisip kong sabihin na dati akong taong grasa. Yup,  tama ang narinig mo, taong grasa. Pwede ko rin naman sabihin na sometimes I am on the verge of insanity pero that would make the person asking so uncomfortable; but if I say that I used to be a street urchin, mas astig at may street cred diba? Baka bigla pa nila akong irekomendang ma-feature sa I-Witness o Wish Ko Lang.

Kidding aside, ako si Tadonggeniuskuno, walang hilig sa ehersisyo, mahilig manood ng tv at magbasa ng kung anu-anong babasahin. Paminsan minsan ay nagsusulat ng mga walang kuwentang mga kuwento na kung susuriin mo ay may buting idudulot sa ecological balance dito sa mundo. Best in Math nung kinder after nun ay nagtuloy-tuloy na sa pagkalugmok sa mundo ng mga numero. Nagtapos ng Batsilyer sa Pamamahayag sa isang malaking pampublikong unibersidad sa Maynila. Sa ngayon ay lingkod bayan at patuloy na naghihintay kay Kristin Kreuk, pwede na rin siguro si Kate Bosworth, Anna Kendrick, Jennifer Lawrence o Emma Stone. (Choosy pa!).

PS: Hindi po ako si Tado (RIP) , wala rin akong relasyon kay Tado (sikat siya at ako ay isang simpleng taong nangangarap pa rin na maging propesyunal na manunulat, makagawa ng “indie film”, makapaglakbay sa buong mundo at makapanood ng Olympics). Kailangan ko rin ng dagdag na kita kaya kung meron kayong gustong ipagawa basta legal ay malugod kong tatanggapin. 😀

You can visit my other blog: The Wandering Leon (my attempt at travel blogging)

For queries, violent reactions, donations and other things that you think I should be interested in, just send me a message at tadonggeniuskuno(at)yahoo(dot)com or via Tadonggeniuskuno FB page.

PS. Paumanhin dahil kung minsan ay pumapalya ako sa grammar. 😁