ABS-CBN TV Plus: Ang Review sa Mahiwagang Black Box

Wala kaming cable sa bahay kaya nagtitiyaga kaming manood ng TV na gamit lamang ang antenna. Minsan malinaw ang ibang channel tapos malabo na yung iba. Minsan naman malabo lahat at maaaninang mo na lang yung palabas. Kaya nang malaman ko na may mahiwagang black box na inilabas ang ABS-CBN ay agad akong bumili kahit di ako sigurado kung gagana nga talaga ito.

Sa halagang Php 2,500 ay may isang unit ka na (nabili ko pala sa SM Appliance Center yung sa akin).

Ano ang nasa box:
1. TV+ Digibox
2. AV Cable
3. Antenna
4. Remote control
5. Batteries
6. Power Adapter

Madali lang ang installation ng unit sa TV,  kahit di basahin ang guide (nakasulat sa Filipino) ay siguradong maikakabit pa rin ito kaagad. Pagkakabit ay kailangan munang mag-scan ng channel para mapick-up ng TV Plus.

The verdict:
Totoo ang sinasabi ni Sarah G., may pagbabago ngang nangyari. Malinaw ang reception ng TV. Parang naka-cable kami sa bahay ngayon. Hindi na kumikisap kisap o may guhit guhit ang screen.

May 2 exclusive channels: CineMo (puro pelikula ang palabas) at Yey (Kids channel). Mapapanood din ang Knowledge Channel at DZMM Teleradyo. Mapapanood pa rin ang local free TV channels gaya ng ABS-CBN Sports and Action, GMA, GMA News TV, TV5 (May 3 channel pala sila bukod pa sa Aksyon TV), UNTV (3 channel din),  at Beam.

Yun nga lang walang ETC, 9News/CNN Philippines, 2nd Avenue, Net 25 at IBC 13. May PTV 4 noong tinesting ko sa opisina pero sa bahay wala talaga signal. Kaya pag gusto kong manood ng Arrow o ng American Idol ay bumabalik na lang ako sa antenna signal.

Hope na eventually ay masasagap din ng Digibox ang signal ng mga nabanggit na channel. If not for the missing channels ay perfect grade na ibibigay ko dito. For the channel na nandoon ay malinaw naman talaga, wala akong reklamo doon. May mga times din na nawawala yung signal ng ibang kalabang channel ng Kapamilya ( I still like to give the benefit of the doubt).

And that’s my review of the ABS-CBN TV+.Till my next rant. Peace and Stay Fresh peeps.

UPDATE (July 25, 2015):

Ilang araw na nawala ang GMA 7 kaya na-miss ko si Lola at Yaya Dub pero buti na lang at meron na uli. Wala pa rin signal ang ETC, CNN Philippines, 2nd Avenue, Net 25, PTV 4 pero may mga bagong religious channel. Ang USB port ay di pa gumagana, sabi ng sales ay hintayin ang OTA (Over The Air) update para dito. Sana ay magkaroon na rin ng Jeepney TV sa TV Plus para mapanood ko na rin ang re-runs ng Palibhasa Lalake at iba pang dating Kapamilya shows.

UPDATE (January 1, 2017)

May ETC (Ch. 11) at 2nd Avenue (Ch. 12) na pero wala pa rin signal ang CNN Philippines. Sa wakas makakanood na rin ako ng The Good Place at This is Us.